Клучни природни активни соединенија

Хиперицин и псевдохиперицин, хиперфорин, флавоноиди како хиперозид и рутин, фенолни киселини и танини.

Начин на употреба

Прелијте 1,5–2 g кантарион со 150–200 ml зовриена вода. Поклопете и оставете да отстои околу 10 минути, а потоа процедете.

Се употребува 2–3 пати дневно. Не се препорачува континуирана употреба подолга од две недели без совет од стручно лице.

Можни несакани ефекти

Може да се појават дигестивна непријатност, главоболка, немир, замор, алергиска реакција или зголемена чувствителност на сончева светлина. За време на употребата избегнувајте интензивно сончање и солариум.

Важно предупредување за интеракции

Кантарионот може да го промени дејството на голем број лекови. Не употребувајте го без согласност од лекар или фармацевт ако користите:

• антидепресиви или лекови за анксиозност
• хормонална контрацепција
• антикоагуланси и антитромбоцитни лекови
• антиепилептици
• имуносупресивна терапија
• терапија за ХИВ
• онколошка терапија
• други редовно пропишани лекови

Не се препорачува во бременост, доење и кај лица под 18 години. При изразена тага, нагло влошување на расположението или мисли за самоповредување веднаш треба да се побара лекарска помош.